Tema 2: Ecoloxía do Medio Mariño (Páxina 9)

Interaccións

Parasitismo: Un animal sae beneficiado e o outro prexudicado. Un dos individuos aprovéitase do outro causándolle un dano. En ocasións, pode incluso producir a morte da vítima.

Un dos máis coñecidos é o piollo de mar, un pequeno crustáceo que utiliza os ganchos das súas patas para agarrarse a algúns peixes. Aliméntanse da pel do animal e succionan o sangue. Provocan danos considerables aos peixes. Neste caso o piollo de mar é o parásito e o peixe é o hóspede.

Os parásitos poden fixarse en diferentes zonas do corpo da súa vítima:
– Nas branquias dificultando a respiración.
– Nas aletas impedindo o movemento.
– Na boca limitando a alimentación.

Image
Piollos de mar
Este abadexo ten dous piollos parásitos aproveitándose del. A femia, de maior tamaño, vive sempre fixada ao mesmo peixe ata que o hóspede morre. Mentres, que o macho, de menor tamaño, cambia de hóspede máis habitualmente.

Información e imaxe facilitada por Ricardo Roberto Fernández

printer_footer