Tema 2: Ecoloxía do Medio Mariño (Páxina 9)
Interaccións
Parasitismo: Un animal sae beneficiado e o outro prexudicado. Un dos individuos aprovéitase do outro causándolle un dano. En ocasións, pode incluso producir a morte da vítima.
Un dos máis coñecidos é o piollo de mar, un pequeno crustáceo isópodo que utiliza os ganchos das súas patas para agarrarse a algúns peixes, normalmente lábridos. Aliméntanse da pel do animal e succionan o sangue, provocando lesións considerables aos peixes. Neste caso o piollo de mar é o parásito e o peixe é o hóspede.
Os parásitos poden fixarse en diferentes zonas do corpo da súa vítima: nas branquias dificultando a respiración, nas aletas impedindo o movemento ou na boca limitando a alimentación.
Piollos de mar
Este abadexo ten dous piollos parásitos aproveitándose del. A femia, de maior tamaño, vive sempre fixada ao mesmo peixe ata que o hóspede morre. Mentres, que o macho, de menor tamaño, cambia de hóspede máis habitualmente.
Este abadexo ten dous piollos parásitos aproveitándose del. A femia, de maior tamaño, vive sempre fixada ao mesmo peixe ata que o hóspede morre. Mentres, que o macho, de menor tamaño, cambia de hóspede máis habitualmente.
Información e imaxe facilitada por Ricardo Roberto Fernández
