Tema 2: Ecoloxía do Medio Mariño (Páxina 5)

Produtores

Plantas mariñas: encóntrase en zonas abrigadas da costa de A Mariña-Ortegal, como os fondos areosos pouco profundos do interior das rías. A diferenza das algas, as plantas mariñas teñen raíz e sistema vascular, son polo tanto seres vivos máis evolucionados.

As pradeiras de plantas mariñas son o hábitat de multitude de especies entre as que destacan o peixe pipa e o cabaliño de mar.

As pradeiras mariñas son moi importantes para manter o equilibrio do ecosistema. Xa que ademais de producir osíxeno, reteñen os nutrientes, evitan a erosión e posibilitan zonas de cría e protección para outros seres vivos. Como por exemplo: cangrexos, anémonas, chocos, mexillóns ou ostras.